հեռախոսահամարով կամ գրեք մեր էլ. հասցեին petbnakaran@minurban.am
2023-08-30
ՏԵՂԵԿԱՏՎՈՒԹՅՈՒՆ
Ձեզ ենք ներկայացնում քաղաքապետարանի կողմից հասցեավորված Ադոնցի 4/3 հասցեում գտնվող ավտոկայանատեղիները:
https://www.petbnakaran.am/media/adonts4-3-parking.pdf
2022-11-29
ՏԵՂԵԿԱՏՎՈՒԹՅՈՒՆ
Ձեզ ենք ներկայացնում վիճակահանության արդյունքում Ադոնցի 4 հասցեյում գտնվող ավտոկայանատեղիների հասցեավորումները:
https://www.petbnakaran.am/media/adonts4-parking.pdf
2022-10-29
ՀԱՅՏԱՐԱՐՈՒԹՅՈՒՆ
ԱՆՇԱՐԺ ԳՈՒՅՔԻ ԱՌՈՒՎԱՃԱՌՔԻ ՆԱԽՆԱԿԱՆ ՊԱՅՄԱՆԱԳՐԻՑ ԾԱԳԱԾ ԻՐԱՎՈՒՆՔՆԵՐՆ ԵՐՐՈՐԴ ԱՆՁԻ ՓՈԽԱՆՑԵԼՈՒ ՄԱՍԻՆ
ՄԱՆՐԱՄԱՍՆ ՏԵՂԵԿՈՒԹՅՈՒՆՆԵՐԻՆ ԿԱՐՈՂ ԵՔ ԾԱՆՈԹԱՆԱԼ ՀԵՏԵՎՅԱԼ ՀՂՄԱՄԲ` http://minurban.am/lows/files/doc.pdf
2022-01-24
ՏԵՂԵԿԱՏՎՈՒԹՅՈՒՆ
Ձեզ ենք ներկայացնում վիճակահանության արդյունքում Ադոնցի 4/3 հասցեյում գտնվող ավտոկայանատեղիների հասցեավորումները:
https://www.petbnakaran.am/media/17.pdf
2019-12-19
ԾԱՆՈՒՑՈՒՄ
ԾԱՆՈՒՑՈՒՄ
Հարգելի՛ շահառու,
Տեղեկացնում ենք Ձեզ, որ պետական ծառայողներին մատչելի բնակարաններով ապահովման ծրագրի շրջանակներում Երևան քաղաքի Ադոնցի փողոցի N 6 հասցեում կառուցված բազմաբնակարան շենքային համալիրի մասնաշենքերի էլեկտրաէներգիայի մատակարարումն ապահովելու և բնակիչների բաժանորդագրման գործընթացն իրականացնելու համար անշարժ գույքի առուվաճառքի նախնական պայմանագրերի հիման վրա կարող եք դիմել «Հայաստանի էլեկտրական ցանցեր» ՓԲ ընկերության բաժանորդների սպասարկման կենտրոններ: Հետագայում անշարժ գույքի առուվաճառքի հիմնական պայմանագիրը կնքելուց և տվյալ պայմանագրից ծագող իրավունքները ՀՀ կադաստրի կոմիտեի համապատասխան ստորաբաժանումում պետական գրանցման ենթարկելուց հետո, խնդրում եմ համապատասխան անշարժ գույքի սեփականության վկայականը հնարավորինս սեղմ ժամկետում ներկայացնել «Հայաստանի էլեկտրական ցանցեր» ՓԲ ընկերություն:
Միաժամանակ տեղեկացնում ենք Ձեզ, որ «Հայաստանի էլեկտրական ցանցեր» ՓԲ ընկերության բաժանորդ դառնալու գործընթացում խոչընդոտներ առաջանալու դեպքում կարող եք դիմել ՀՀ քաղաքաշինության կոմիտե:
Հարգանքով՝
ՀՀ քաղաքաշինության կոմիտե
2019-12-14
ԾԱՆՈՒՑՈՒՄ
ԾԱՆՈՒՑՈՒՄ
Հարգելի՛ շահառու,
Հայտնում ենք, որ ՀՀ քաղաքաշինության կոմիտեում սույն թվականի դեկտեմբերի 17-ից 18-ը տեղի կունենա Ադոնցի փողոցի N 6 հասցեում կառուցված բազմաբնակարան շենքային համալիրի ավտոկայանատեղիների բաշխման համար իրականացվող վիճակահանությունը:
Անհրաժեշտ է ներկայանալ ք. Երևան, Հանրապետության հրապարակ, Կառավարական տուն 3, 4րդ հարկ, N 453 սենյակ՝ բնակարանային ծրագրերի բաժին: Ներկայանալ անձը հաստատող փաստաթղթով, իսկ լիազորված անձի դեպքում՝ նաև լիազորագրով (կցվում է): Վիճակահանությունը կիրականացվի ըստ մասնաշենքերի:
2019 թվականի դեկտեմբերի 17-ին տեղի կունենա հետևյալ մասնաշենքերի ավտոկայանատեղիների վիճակահանությունը՝
- 1-ին մասնաշենք՝ ժամը 10:00
- 2-րդ մասնաշենք՝ ժամը 11:30
- 3-րդ մասնաշենք՝ ժամը 14:00
2019 թվականի դեկտեմբերի 18-ին տեղի կունենա հետևյալ մասնաշենքերի ավտոկայանատեղիների վիճակահանությունը՝
- 4-րդ մասնաշենք՝ ժամը 10:00
- 5-րդ մասնաշենք՝ ժամը 11:30
- 6-րդ մասնաշենք՝ ժամը 14:00
Ձեր ներկայությունը չապահովելու դեպքում ավտոկայանատեղիի տեղադիրքը կորոշվի վիճակահանությունից հետո թափուր մնացած կայանատեղիների բաշխմամբ՝ պատահականության սկզբունքով:
Միաժամանակ, խնդրում եմ կից ներկայացվող Հավելվածով ստուգել Ձեր բնակարանի/ավտոկայանտեղիի տեղադիրքի վերաբերյալ տեղեկատվությունը և ներակայանալ համապատասխան օրը:
Հարգանքով՝
ՀՀ քաղաքաշինության կոմիտ
Բնակարանային ծրագրերի բաժին
2019-09-20
ԾԱՆՈՒՑՈՒՄ
Պետական ծառայողներին մատչելի բնակարաններով ապահովման ծրագրի շրջանակներում Երևան քաղաքի Ադոնցի փողոցի N 6 հասցեում կառուցվող բազմաբնակարան շենքային համալիրի բնակարաններում շրջայց կատարելու վերաբերյալ
Հարգելի՛ շահառուներ,
Տեղեկացնում ենք, որ պետական ծառայողներին մատչելի բնակարաններով ապահովման ծրագրի շրջանակներում առաջիկա երկու շաբաթվա ընթացքում շրջայց կկազմակերպվի Ադոնցի փողոցի N 6 հասցեում կառուցվող շենքային համալիրի բնակարաններում: Բնակարանների շահառուները (վերանորոգված և առանց վերանորոգման) հնարավորություն կստանան այցելեու իրենց բնակարաններ:
Կառացապատող ընկերության կողմից նախապես բոլոր 294 շահառուների հետ կապ կհաստատվի:
Լրացուցիչ տեղեկությունների համար կարող եք զանգահարել բնակարանային ծրագրերի բաժին 011 621 776, 011 621 714 հեռախոսահամարներով:
Հարգանքով՝
ՀՀ քաղաքաշինության կոմիտե
2018-12-15
ԾԱՆՈՒՑՈՒՄ
Հարգելի Ադոնց 6/2 հասցի շահառուներ.
Տեղեկացնում ենք, որ պետական ծառայողներին մատչելի բնակարաններով ապահովման ծրագրի շրջանակներում ՀՀ կառավարության 2016 թվականի փետրվարի 25-ի N 182-Ն որոշմամբ սահմանված կարգով և ժամկետում կիրականացվեն Ադոնցի փողոցի N 6/2 հասցեում կառուցված շենքային համալիրի թվով 175 բնակարանի հանձնման-ընդունման աշխատանքները:
Շահառուներին խնդրում ենք անձը հաստատող փաստաթղթերով (լիազորված անձի դեպքում նաև լիազորագրով) ներկայանալ Ադոնցի փողոցի 6/2 հասցեում կառուցված շենքային համալիր.
Սույն թվականի
Դեկտեմբերի 17-ից -21-ը 1-ին և 2-րդ մասնաշենքերի բնակարանների շահառուներ,
Դեկտեմբերի 24-ից -28-ը 3-րդ և 4-րդ մասնաշենքերի բնակարանների շահառուներ:
Հանձնման–ընդունման վերաբերյալ լրացուցիչ հարցերի դեպքում կարող եք զանգահարել <<ՄԻԿՇԻՆ>> ՍՊԸ:
Հեռախոս՝ 010 287630
Կից ներկայացվում է նաև բնակարանների նախագծային մակերեսների և լիցենզավորված կազմակերպության կողմից կատարված չափագրության փաստացի տվյալները:
2018-10-31
ԾԱՆՈՒՑՈՒՄ
Պետական ծառայողներին մատչելի բնակարաններով ապահովման ծրագրի շրջանակներում Երևան քաղաքի Ադոնցի փողոցի NN 4 և 4/3 հասցեներում կառուցվող բազմաբնակարան շենքային համալիրների բնակարանների վիճակահանության վերաբերյալ
Հարգելի՛ մասնակից,
Սույնով տեղեկացվում եք, որ Դուք ընդգրկվել եք պետական ծառայողներին մատչելի բնակարաններով ապահովման ծրագրի շրջանակներում Երևան քաղաքի Ադոնցի փողոցի NN 4 և 4/3 հասցեներում կառուցվող բազմաբնակարան շենքային համալիրների բնակարանների վիճակահանությանը մասնակցելու իրավունք ունեցող անձանց ցուցակում:
Վիճակահանությունը կմեկնարկի 2018 թվականի նոյեմբերի 2-ից՝ յուրաքանչյուր օր, ժամը 09:30-ից մինչև 18:00-ն, ՀՀ Կառավարական տուն 1 շենքի նիստերի մեծ դահլիճի 1-ին հարկի նախասրահում (մուտքը Մելիք-Ադամյան փողոց): Վիճահանությունը կշարունակվի հաջորդող օրացուցային օրերին՝ մինչև սահմանված թվով 265-րդ բնակարանի խաղարկությունը:
Խնդրում ենք ուշադրություն դարձնել այն հանգամանքին, որ բնակարանների վիճակահանության հերթականությունը կանխորոշված չէ և այն ընտրվելու է Սերվերի Ծրագրի կողմից ինքնուրույն: Հետևաբար, վիճակահանության ընթացքում Ձեր անուն, ազգանունը կարող է հնչել ցանկացած ժամանակ, և Ձեր ներկայությունը պարտադիր է 2018 թվականի նոյեմբերի 2-ից ժամը 09:30-ից սկսած:
Համակարգը Ձեր կողմից ընտրած բնակարանների ցանկը տպելու հնարավորություն է թույլ տալիս:
Յուրաքանչյուր բնակարանի վիճակահանության ժամանակ բարձրախոսով հնչելու է տվյալ բնակարանի նախագծային համարը և տվյալ բնակարանի վիճակահանությանը մասնակցող անձանց անուն, ազգանունը: Տվյալ բնակարանի խաղարկությանը ներկա չլինելու դեպքում վիճակահանությունը տեղի կունենա առանց Ձեր մասնակցության:
Վիճակահանությանը անհրաժեշտ է ներկայանալ անձը հաստատող փաստաթղթով (անձնագիր/նույնականացման քարտ), իսկ լիազորված անձի դեպքում՝ նաև լիազորագրով:
Հարգանքով՝
ՀՀ քաղաքաշինության կոմիտե
2018-09-06
ՀՐԱՄԱՆ
Պետական ծառայողներին մատչելի բնակարաններով ապահովման ծրագրի շրջանակներում Երևան քաղաքի Ադոնցի փողոցի NN 4 և 4/3 հասցեներում կառուցվող բազմաբնակարան շենքային համալիրներից բնակարան գնելու հավակնող ծառայողների ցուցակը հաստատելու, սերվերի տվյալների բանկ մուտք գործելու բանալի ստանալու եվ բնակարանների ընտրության վերջնաժամկետները սահմանելու մասին։
2018-06-25
ՀՐԱՄԱՆ
Պետական ծառայողներին մատչելի բնակարաններով ապահովման ծրագրի շրջանակներում Երևան քաղաքի Ադոնց փողոցի NN 4 և 4/3 հասցեներում կառուցվող բազմաբնակարան շենքային համալիրներից բնակարան գնելու ցանկություն ունեցող պետական ծառայողների կողմից ներկայացվող դիմում-հայտերի և գերատեսչությունների կողմից ներկայացվող գեչատեսչական տեղեկանքների ձևերի և դռանց ներկայացման ժամկետները սահմանելու մասին։
